Американскиот оддел за финансии вели дека новите правила за релаксирање на ограничувањата за трговија и патување во Куба ќе бидат импелемнтирани од петок.
Ова е чекор во насока на целта на администрацијата на Обама, најавена минатиот месец, за нормализирање на односите со комунистичката нација.
Во соопштение во четвртокот, секретарот за финансии Џек Лу изјави дека САД „сега се еден чекор поблизу до заменување на застарената политика која не функционираше“.
Според новите закони, Американците нема да имаат потреба да аплицираат за дозвола да патуваат за Куба по ниедна од десетина одобрени причини. На туристичките агенции и авио-компании ќе им биде овозможено да даваат услуги исто така без дозволи.
Но, општиот туризам во Куба и натаму е забранет. Адвокат од Вашингтон и експерт за закони поврзани со Куба, Роберт Мјуз, за Гласот на Америка рече дека се предвидени големи казни за лицата инволирани во неавторизирано патување во земјата.
Целосното укинување на неколку децении важечкото ембарго може единствено да го стори Конгресот, што е тешко веројатно во догледно време.