Се очекува зголемување на случаите од Ковид-19, како што наближува зимата во Северна хемисфера.
Новите глобални бројки се искачија на 330.000 позитивно дневно, а Европа и САД бележат пораст на новозаразени.
Светската здравствена организација предупреди дека 1000 луѓе умираат дневно од Ковид-19, и повеќе од еден милион нови случаи се идентификувани во последните десет денови.
Главниот американски експерт за заразни болести д-р Ентони Фаучи, ги предупреди Американците да размислат за плановите за Денот на благодарноста на крајот од ноември, кога многумина патуваат традиционално преку транспортни центри, како автобуски и железнички станици и аеродроми.
„Ако спаѓате во ранлива категорија, или во поодмината возраст, или, пак, имате здравствени проблеми, подобро да размислите дали сакате да патувате“, речи Фаучи за Еј-Би-Си Њуз.
Тој сугерираше дека можеби граѓаните треба да ги одложат плановите или да почекаат да патуваат додека пандемијата не е ставена под контрола.
Facebook Forum