Линкови за пристапност

Мајкл Коен јавно ќе сведочи во Конгресот


Контроверзниот поранешен адвокат на американскиот претседател повторно во фокусот на јавноста за пикантериите врзани со него

Мајкл Коен, некогашниот личен адвокат на американскиот претседател Доналд Трамп, изјави дека ќе сведочи на отворена сесија пред конгресен панел следниот месец, неколку недели преда да се пријави на издржување на затворска казна за лажен исказ во Конгрес и други криминални престапи.

Во соопштение, Коен, кој што беше главна фигура во десетина часови сведочење за неговите адвокатски услуги на Трамп, изјави дека ја „очекува привилегијата да го изнесе сопственото искуство за одредени настани“.

Сведочењето ќе се одржи на 7-ми февруари пред конгресна комисија со која претседава, конгресменот Елиас Камингс.

Камингс рече дека побарал од Белата куќа и од Организацијата Трамп да ги достават документите за илегално исплаќање на две жени за да молчат за аферите со претседателот Трамп.

Адам Шифт, демократски претседавач со конгресната комисија за разузнавање изрази надеж дека е можно да се закаже сесија зад затворени врати со Коен во врска со руското мешање во изборите во 2106-та.

Претседателот Трамп рече дека „не е загрижен“ за сведочењето на Коен.

Поранешниот адвокат, кој едновремено рече дека би „го дал животот за Трамп“, минатиот месец пред судот рече дека „наивната лојалност спрема американскиот лидер“ го навела да ги прикрива сите „нечисти работи“.

Facebook Forum

XS
SM
MD
LG