Сведоци и полицијата во Берлин велат дека камион се забил во божиќен пазар во центарот на градот, предизвикувајќи засега непознат број на мртви и многу повредени.
Повеќе детали не се објавени за тоа како се случила несреќата, ниту пак е познато дали камионот удрил случајно или возачот намерно ја предизвикал трагедијата.
Возачот, според Билд е најверојатно уапсен.
Сведоци на настанот изјавија дека товарното возило се движело со брзина од 60 километри на час во моментот на несреќата.