Стотици патници почнаа да го напуштаат крузерот кој се наоѓаше во карантин две недели во јапонско пристаниште, во обид да спречат ширење на коронавирусот што е причина за најмалку 2000 починати во Кина.
Околу 500 патници се очекува да бидат пуштени од луксузниот брод Diamond Princess во Јокохама, каде беше прикотвен од 3-ти февруари. Јапонските здравствени лица го ставија бродот со 3700 патници во карантин, откако еден патник кој се качил во Хонг Конг бил дијагностициран со вирусот КОДИВ-19.
Но, и покрај обидот да се ограничи ширењето на вирусот, 542 биле заразени, што претставува најголем број на потврдени случаи надвор од Кина.
Само патниците кои што биле негативни по испитувањата им било овозможено да го напуштат бродот.
Околу 300 Американци беа евакуирани во понеделникот и веднаш беа ставени во 14 дневен карантин. Неколку други влади, вклучувајќи ја Британија, Канада, Австралија и Хонг Конг прават планови за евакуирање на своите државјани од Јокохама.
Facebook Forum