Борис Џонсон – нов премиер на Британија

Британската конзервативна партија објави дека Борис Џонсон победил на изборот за нов лидер и ќе биде иден премиер.

Џонсон го победи шефот на дипломатијата Џереми Хант на партиското гласање синоќа со 66% ЗА и 34 Против.

„Ќе ја обединиме земјата и ќе одиме напред“, истакна Џонсон пред партиските членови откако беше прогласен за победник.

Се заложи Британија да излезе од ЕУ до 31-ви октомври, да ја обедини земјата и да ги интензивира напорите за подобрување на образованието, инфраструктурата и статусот на полицијата.

Тој ќе ја замени премиерката Тереза Меј на Даунинг Стрит број 10 во среда, која се повлекува по неколкуте неуспешни обиди за Брегзит.

Џонсон е популистички поранешен министер за надворешни работи и градоначалник на Лондон. Тој изрази подготвеност Британија да ја напушти Унијата во предвидениот рок, без или со претходно постигнат договор со Брисел.