Американскиот заменик-државен секретар Бил Брнс од 16-ти до 20-ти февруари ќе ги посети Србија, Босна и Херцеговина, Косово и Хрватска на разговори за билатерални и регионални прашања.
Брнс ќе ја подвлече американската заложба за земјите од Западниот Балкан и натамошната поддршка за нивните евроатлантски аспирации, стои во соопштението на Стејт департментот. Заменикот на Хилари Клинтон ќе поттикне и на поголема регионална соработка и ќе ја потенцира потребата раководствата на балканските земји да се справат со клучните прашања како владеењето на правото и економскиот развој.
Брнс претходно ќе престојува во Австрија, каде ќе учествува на меѓународна конференција во Виена за регионалните и авганистански контранаркотички операции.