Американскиот потпретседател Џо Бајден врши притисок врз Турција да воведе нови санкции спрема Иран, а истовремено ја пофали владата во оваа земја заради нејзиното влијание врз Сирија да го спречи бруталното задушување на протестите.
Американскиот потпретседател се наоѓа во официјална посета на Анкара. Само неколку дена откако САД ги заострија економските санкции спрема Иран, Бајден ја повика Турција да преземе исти чекори.
Бајден истакна и дека САД ќе продолжат да работат со Турција околу заедничките интереси за Блискиот Исток и Северна Африка.
Тој го пофали турското раководство за, како што рече, вистинско лидерство.