Линкови за пристапност

Американски маринци ќе бидат стационирани во Австралија


Американски маринци ќе бидат стационирани во Австралија
Американски маринци ќе бидат стационирани во Австралија

Договорот истовремено овозможува американските авиони да ги користат австралиските бази.

Првите луѓе на САД и Австралија се договорија американски сили да бидат стационирани на австралиска територија.

На заедничката прес-конференција со американскиот претседател Барак Обама во Канбера, австралиската премиерка Џулија Гилард рече дека договорот предвидува 200 до 250 маринци да бидат стационирани во северниот дел на Австралија и да се менуваат на секои шест месеци. Договорот истовремено овозможува американските авиони да ги користат австралиските бази.

Обама коментираше дека договорот помага САД поефикасно да реагираат на хуманитарните ситуации и безбедносните предизвици. За американскиот претседател, спогодбата ќе помогне да се одржи безбедносната архитектура на азиско-пацифичкиот регион и ќе им олесни на американските сили да се обучуваат и бежбаат со силите на другите земји од регионот, како и да ги опремуваат помалите земји за пофеикасна реакција на кризни ситуации.

Кина веднаш реагираше на веста, наведувајќи дека распоредувањето можеби не е соодветно и дека меѓународната заедница треба да дискутира за него.

Обама пристигна во Австралија од Хаваите, каде заедно со Гилард учествуваше на Самитот за азиско-пацифичка економска соработка (АПЕК). Турнејата по регионот ќе ја продолжи во Индонезија, каде ќе учествува на Самитот на Источна Азија во Бали. САД и Русија на овој самит за првпат ќе учествуваат како полноправи членки.

XS
SM
MD
LG