Линкови за пристапност

Тубервил го порази Сешнс на републиканските примарни избори во Алабама


„Томи Тубервил го победи Џеф Сешнс“, се огласи претседателот преку твит. „Ќе биде одличен сенатор за жителите од Алабама“.

Поранешниот фудбалски тренер во колеџ Томи Тубервил го победи поранешниот јавен правобранител на САД Џеф Сешнс на републиканските примарни избори за сенатското место од јужната сојузна држава Алабама.

Џеф Сешнс
Џеф Сешнс


Сешнс беше сенатор од Алабама 20 години, но се повлече за да го води Одделот за правда кога претседателот Трамп ја презеде Белата куќа во 2017-ма. Ги загуби симпатиите кај претседателот откако бараше да биде изземен од истрагата за руското влијание врз изборите во 2016-та, и Трамп го поддржа Тубервил на примарното гласање.

„Томи Тубервил го победи Џеф Сешнс“, се огласи претседателот преку твит. „Ќе биде одличен сенатор за жителите од Алабама“.

Тубервил на изборите во ноември ќе се соочи со демократскиот сенатор Даг Џонс, кој слично како и Сешнс, го критикуваше Тубервил дека има недостиг од искуство за работата.

Во Мејн, спикерката на државното Собрание Сара Гидеон, победи во демократската сенатска битка против адвокатката Бри Кидман и активистката Бетси Свит.

Facebook Forum

XS
SM
MD
LG