Линкови за пристапност

Еден дожд и дел од мозаиците во Хераклеа Линкестис под вода - странска помош за конзервација


Heraklea Linkestis - Bitola, North Macedonia
Heraklea Linkestis - Bitola, North Macedonia

На Хераклеа Линкестис во најдобрите години имало и по 25.000 туристи годишно. Поради пандемијата таа бројка лани паднала само на 500 лица

Мозаиците во епископската резиденција на локалитетот Хераклеа Линкестис немале пообемен конзерваторски зафат уште од шеесеттите години од минатиот век. Како последица денес дел од мозаикот е пропаднат и после секој поголем дожд останува под вода.

Еден дожд и мозаикот под вода – конзервација со странска помош за враќање на туристите на Хераклеа
please wait

No media source currently available

0:00 0:03:27 0:00

„Понекогаш тие зафати биле помали, некогаш поголеми, нееднакви, понекогаш и воопшто ги немало во некои периоди. Така што, сето тоа си се одразува врз квалитетот на она што е презентирано на локалитетот“, објаснува Енгин Насух, Советник кустос-археолог.

Понекогаш тие зафати биле помали, некогаш поголеми, нееднакви, понекогаш и воопшто ги немало во некои периоди. Така што, сето тоа си се одразува врз квалитетот
Енгин Насух, Советник кустос-археолог


Според управата на локалитетот, средствата што доаѓаат од министерството за култура, не секогаш се доволни за пообемен конзерваторски зафат.

„Имајќи во предвид што на годишно ниво и на ниво на целата држава се одвојува за заштита на културното наследство, вклучително и археолошките локалитети, не можеме да зборуваме за некоја темелна пристапност од аспект на годишно ниво“, вели Мери Стојанова, Директорка на Националната установа, „Завод и музеј“ - Битола.

Во недостаток од домашни средства, можноста се бара кај странските фондови. После два обида на „Завод и музеј“ - Битола под чија надлежност е локалитетот, годинава е доделен грант од 100.000 долари за конзервација и реставрација на еден дел. Средствата доаѓаат од САД, од таканаречениот Амбасадорски фонд.

Беа изработени проектите и конзерваторските истражувања кои се однесуваат и на конзервација на мозаиците и конзервација на архитектурата. Обезбедени се соодветни дозволи и во најскоро можно време планираме да започнеме
Мери Стојанова, Директорка на НУ „Завод и музеј“ - Битола


„Беа изработени проектите и конзерваторските истражувања кои се однесуваат и на конзервација на мозаиците и конзервација на архитектурата. Обезбедени се соодветни дозволи и во најскоро можно време, во зависност од временските услови, планираме да започнеме со реализација на дел од тие активности“, додава Стојанова.

Со парите е предвидена конзервација на мозаиците и на архитектурата во епископската резиденција, на јужниот ѕид , како и на градската чешма. Рокот за завршување на работите е две години.

„Три објекти коишто во голема мера ќе го сменат ликот на локалитетот со својата конзервација и презентација. А и се добра појдовна основа за понатамошна стратегија за конзерваторско делување врз локалитетот“, истакнува кустосот Насух.

Одржувањето на локалитетите во целата држава стана сериозен предизвик. Според познавачите, веќе е неопходно поангажирано барање средства.

„Треба да ги согледаме сите можности. Археолошките локалитети, меѓутоа и сите институции од културата може да ги обезбедат по сите основи. Било да е тоа преку изнајмување простор, било да е тоа зголемување на туристичката понуда од аспект на специфични тури, од аспект на сувенири, на различни рекламни материјали. И многу други активности со кои ние, на иституционално ниво, на локално, па и на национално, би можеле да привлечеме поголем број туристи и на тој начин и повеќе финансиски средства за поединечните институции“, укажува директорката Стојанова.

Со сличен став и кустосот од локалитетот.

„Од друга страна, сметам дека ако овој проект успешно се реализира, тоа ќе ги поттикне и донаторите, но и нашите институции и останати локалитети, да се вклучат во аплицирање за странски средства за своите споменици на културата и со тоа ќе се подобри целата ситуација во државата“, истакнува Насух.

На Хераклеа Линкестис во најдобрите години имало и по 25.000 туристи годишно. Поради пандемијата таа бројка лани паднала само на 500. Сепак, од „Завод и музеј“ - Битола веруваат дека со новите зафати, посетителите бргу ќе се вратат.

XS
SM
MD
LG