Во САД се вратија петмината американски државјани што беа уапсени во Хаити откако кај нив беше пронајдено автоматско оружје и други парчиња вооружување.
Тие се дел од осумчлена група што беше уапсена минатата недела. Според официјални лица од САД и од Хаити, американските државјани го напуштиле главниот град Порт-о-Пренс во средата попладне, пред нивното закажано судско рочиште.
Властите во Хаити, уапсените ги нарекоа платеници и терористи, чија задача, како што се тврди, била да ја дестабилизираат владата.
Апсењето следеше после насилните демонстрации што траеја повеќе од една недела, а на кои се бараше оставка од претседателот Жовенел Моиз поради зголемата инфлација и корупцијата во земјата.