Линкови за пристапност

Протести пред грузискиот парламент – солзавец и гумени куршуми кон демонстрантите


Учесниците во протестот негодувале што на руски пратеник му било дозволено да се обрати од говорница во парламентот

Специјалната полиција на Грузија се судри со демонстранти кои излегоа на протести против рускиот парламентарец Сергеј Гаврилов кој имаше свое обраќање од собраниската говорница на Грузискиот парламент.

Полицијата употребила солзавец и гумени куршуми за да ги разбие демонстрантите кои се обиделе да влезат во парламентот.

Според грузискиот владин портпарол, биле повредени 39 полицајци и 30 демонстранти. Во текот на судирите демонстрантите успеале да пробијат дел од полициските барикади.

Поради случувањата, рускиот пратеник не го довршил своето обраќање од говорницата.

Русија и Грузија се судрија воено во 2008 година за статусот на грузиските републики Абхазија и Јужна Осетија. Москва ги призна овие републики за независни држави.

Мнозинството Грузијци ги гледаат Русите како окупатори и сметаат дека власта не е доволно цврста во односите со Москва.

XS
SM
MD
LG