Гласачите во американската сојузна држава Висконсин денеска гласаат на прелиминарните избори за демократски претседателски кандидат, по револуционерната правна битка околу тоа дали да се одржат изборите во време на пандемија на коронавирусот.
Демократскиот гувернер, Тони Еверс, издаде наредба за одложување на гласањето до јуни, но Врховниот суд на државата одлучи дека Еверс нема доволно овластувања за да ги одложи изборите самостојно
Четворицата конзервативни судии гласаа за поддршка на пресудата, додека двајцата либерални судии гласаа против.
Гласачите сега се соочуваат со избор дали да гласаат на изборите или да ги следат советите на здравствените власти за социјално дистанцирање.
Гласачите сега се соочуваат со избор дали да гласаат на изборите или да ги следат советите на здравствените власти за социјално дистанцирање.
Илјадници членови на избирачките места соопштија дека нема да работат, што доведе до затворање на стотици гласачки места во државата. Градот Милвоки, најголемиот град во Висконсин, рече дека ќе бидат отворени само пет избирачки места наместо предвидените 180. Војници од Националната гарда се испратени за да му помогнат на персоналот на избирачките места.
Повеќе од 2.200 потврдени случаи на инфицирани со коронавирус се пријавени во Висконсин, при што се регистрирани 73 смртни случаи.
Повеќе од десеттина американски држави ги одложија изборите за април и мај, за избор на претседателски демократски кандидат меѓу поранешниот потпретседател Џо Бајден и сенаторот на Вермонт, Берни Сандерс, со надеж дека дотогаш последиците од вирусот ќе се намалат доволно за да им се овозможи на гласачите да излезат на гласачките места и да гласаат без да го загрозуваат нивното здравје.
Facebook Forum