Линкови за пристапност

Трамп сигнализира компромис за делумното затворање на владата


Претседателот на САД, Доналд Трамп како да се повлече од заканата за делумно затворање на владата. Белата куќа соопшти дека очекува да види дали републиканските и демократските лидери во Конгресот можат да постигнат компромис, со цел да се избегне затворањето.

Трамп сака 5 милијарди долари за финансирање на изградбата на ѕид долж границата со Мексико, но лидерите на Демократската партија во Сенатот и Претставничкиот дом одбиваат да ја одобрат сумата.

Ако Трамп не успее во намерата, се` уште не е јасно дали ќе дојде до времено затворање, што значи дека повеќе од 800.000 федерални работници нема да работат или ќе работат без плата - нешто што никој не сака да се случи пред Божиќ.

Портпаролката на Белата куќа, Сара Сандерс, изјави дека има и „други начини“ да се обезбедат пари за ѕидот, вклучително и преземање на средства од други агенции, но таа не беше специфична како тоа може да биде изведено.

Facebook Forum

XS
SM
MD
LG