Линкови за пристапност

Трамп: Нов трговски договор со Канада и Мексико може да ги укине царините за челик и алуминиум


Советник за трговија на Белата куќа изјави дека претседателот на САД не планира да исклучи ниту една земја од зголемувањето на царините

Американскиот претседател Доналд Трамп, на Твитер напиша дека планираните повисоки царини за увозот на алуминиум и челик, може да бидат повлечени само ако се постигне „нов и фер“ трговски договор со Канада и Мексико.

Трите држави во моментов водат преговори за Северноамериканскиот договор за слободна трговија, познат како НАФТА.

Освен за царините за челик и алуминиум, Трамп рече дека во новиот договор, Канада „ќе мора да се однесува подобро и со нашите фармери“ и дека Мексико мора да стори повеќе во борбата против наркотиците, кои завршуваат во САД.

Канада е најголемиот трговски партнер на САД и минатата година извозот на алуминиум изнесувал 7,2 милијарди долари, а на челик 4,3 милијарди долари.

Тарифите исто така ќе ги погодат и другите американски сојузници, Велика Британија, Германија, Јужна Кореја, Турција и Јапонија. Но, Кина, најголемиот светски производител на челик, извезува само 2 процента од производството во САД, и ќе биде помалку погодена од одлуката.

Советникот за трговија на Белата куќа, Питер Наваро, изјави дека Трамп не планира да исклучи ниту една земја од зголемувањето на царините.

Тој за „Си-Ен-Ен“ изјави дека конечната одлука за царината увозот на челик од 25 проценти и на 10 проценти на алуминиум, треба да бидат финализирани подоцна неделава или на почетокот на следната недела.

Facebook Forum

XS
SM
MD
LG