Претседателот Барак Обама го изненади потпретседателот Џозеф Бајден откако му врачи Претседателски медал на слободата, што претставува најголемата американска почест за цивили. 74-годишниот Бајден, не можејќи да ги сокрие солзите, кажа дека ваква чест не заслужува, но ја прифаќа, бидејќи, како што рече, доаѓа од срцето на претседателот.
Бајден го пофали Обама за неговиот интегритет, пристојност и чувство за потребите на другите луѓе.