Гувернерката Кејт Браун од северозападната американска држава Орегон изјави дека сојузните полицајци ќе започнат да го напуштат градот Портланд во четврток, по договорот постигнат меѓу локалните и федералните власти.
Федералната влада соопшти дека распоредувањето во Портланд било неопходно заради враќање на редот и ги обвини локалните власти дека дозволуваат постојани протести поради кои тие рекоа дека е загрозен федералниот имот, вклучително и судот.
Браун беше меѓу оние кои го критикуваа присуството на федералните агенти, велејќи во средата дека „тие дејствувале како окупаторска сила и донеле насилство“. Градоначалникот на Портланд рече дека „нивното присуство доведе до зголемено насилство и вандализам“.
Чад Волф, вршител на должноста секретар во Одделот за внатрешна безбедност, не изложи временска рамка за повлекувањето, но рече дека државните и локалните органи надлежни за спроведување на законот ќе започнат со преземање мерки со цел обезбедување на улици околу федералните имоти.
Facebook Forum