Милијардерот Доналд Трамп победи на партиските избори во сојузната држава Невада, со освоени 46 проценти од гласовите.
За претседателската номинација од редовите на Републиканската партија меѓу другите се борат и сенаторот Марко Рубио којшто на овие избори освои 24 проценти и сенаторот од Тексас, Тед Круз, кој заврши на третото место со освоени 21 процент од гласовите.
Ова е трета по ред победа на Трамп на партиските избори, а првите две беа во Њу Хемпшир и Јужна Каролина порано месецов. Со тоа, тој се наоѓа во предност споредено со другите кандидати со оглед на фактот што десетина други сојузни држави ќе излезат на гласање на 1-ви март.