Стејт департмент: Лидерите на Грција покажаа визија за решение на спорот за името

САД ја поздравуваат одлуката на Грчкиот парламент да го ратификува Договорот од Преспа, соопшти Стејт Департментот.

„Лидерите на Грција покажаа визија, храброст и постојаност во нивните напори за решение на спорот за името, што ќе и` дозволи на идната Република Северна Македонија да го земе заслуженото место во НАТО и ЕУ“, се вели во соопштението на Стејт департментот.

Во него се нагласува дека САД ја поздравуваат историската можност да се унапредат стабилноста, безбедноста и просперитетот на целиот регион.