Сенатот не успеа да изгласа делумна замена на седумгодишниот Закон за здравствена заштита, познат како Обамакеар.
Тројца републиканци - Џон Мекејн од Аризона, Лиса Мурковски од Алјаска и Сузан Колинс од Мејн, заедно со демократите, го поразија обидот на републиканците да го укинат Законот со 49 - 51
Претседателот Доналд Трамп, рано утринава, на неговиот Твитер профил напиша: тројца републиканци, и 48 демократи, го разочараа американскиот народ. Како што кажав на почетокот, да го оставиме Обамакеар да пропадне сам“, напиша Трамп.
Лидерот на малцинството во Сенатот, Чарлс Шумер, рече дека е време да се сврти страница.
„Не славиме. Се чувствуваме олеснето“, рече Шумер.
Лидерот на мнозинството во Сенатот Мич Меконел, пак, изјави:
„Жалам што нашите обиди не беа доволни овојпат“, рече тој.
На почетокот на неделава, републиканците двапати потфрлија во укинување, како и во укинување и замена на овој Закон со нова законска верзија.
Facebook Forum