Администрацијата на претседателот на САД Доналд Трамп нареди две федерални агенции да замрзнат милијарди долари наменти за странска помош, а кои се одобрени од Конгресот.
Канцеларијата за менаџмент и буџет побара Стејт департментот и Агенцијата за меѓународен развој да престанат со трошење фондови кои официјално не се наменети за одредени цели.
Со замрзнувањето се опфатени десет области, вклучувајќи меѓународно здравство, наркотици и иницијативи за одржување на мирот, како и поддршка за развој.
Проценките се дека со овој потег ќе се спречат агенциите да дистрибуираат од две до четири милијарди долари странска помош.
Канцеларијата за менаџмент и буџет вели дека федералните агенции имаат обврска соодветно да ги трошат фондовите одобрени од Конгресот.
Facebook Forum