Линкови за пристапност

Јелен: Каматните стапки засега непроменети


Од Федералните резерви соопштија дека постои веројатност за нивно зголемување подоцна годинава, и тоа на два пати

Американската Централна банка во моментов ги држи непроменети клучните каматни стапки. Од Федералните резерви соопштија дека постои веројатност за нивно зголемување подоцна годинава, и тоа на два пати.

Според претседателката на Федералните резерви, Џенет Јелен, американската економија е мошне отпорна последниве неколку месеци, а економската активност се зголемува со умерено темпо, и покрај неодамнешните економски и финансиски настани.

Јелен додаде дека бавниот развој на странските економии, претставува одреден ризик на американската економија и затоа со претпазливост, каматните стапки се држат на ниско ниво.

Федералните резерви последен пат нивото на каматните стапки го кренаа од половина, на еден процент.

XS
SM
MD
LG