Кина најави дека ќе воведе дополнителни 25 отсто царини за увоз на производи од САД во вредност од 16 милијарди долари.
Новите царини ќе стапат на сила на 23-ти август, на истиот ден кога ќе се спроведат новите мерки на САД спрема Кина, најавени во вторникот.
Најновите реципрочни царини ја интензивираа трговската војна меѓу двете најголеми светски економски сили, којашто започна на 6-ти јули годинава, кога Вашингтон официјално наложи 25 отсто царини на преку 800 кинески производи во вредност од 34 милијарди долари. Пекинг возврати со наметнување на истиот процент царини врз 545 американски производи, исто така вредни 34 милијарди долари.
Администрацијата на претседателот на САД Доналд Трамп, воедно се закани дека ќе примени 25 отсто царини за дополнителен кинески производи во вредност од околу 200 милијарди долари.
Како причина за царините, Трамп ги наведе „неправедната трговска пракса во Кина и неодобреното присвојување на интелектуална сопственост“.
Facebook Forum