Линкови за пристапност

Помпео најави можни санкции кон Белорусија


Државниот секретар на САД рече дека целта е да се повикаат на одговорност оние што се вклучени во злоупотреба на човековите права и репресија

Државниот секретар Мајк Помпео рече дека САД се длабоко загрижени за обидите на Владата на Белорусија присилно да ја протера од држвата опозициската активистка Марија Колесникова.

Тој рече дека САД и други држави размислуваат за воведување санкции во одговор на неодамнешните настани во Белорусија.

„Ја поздравуваме храброста на Колесникова и на белорускиот народ за мирно изразување на нивното право да изберат лидер на слободни и фер избори, соочувајќи се со неоправдани насилство и репресија од страна на белоруските власти“, рече Помпео.

Тој нагласи дека потенцијалните санкции би биле насочени кон барање одговорност од оние што се вклучени во злоупотреба на човековите права и репресија во Белорусија.

Facebook Forum

XS
SM
MD
LG