Експерт на Обединетите нации повика на холистички пристап кон човековите права на постарите лица за време на пандемијата, што обезбедува еднаква реализација на сите нивни права, вклучително и пристап до здравствена заштита.
„Длабоко сум загрижена дека одлуките околу распределбата на медицински ресурси за кои има недостиг, како што се вентилаторите во единиците за интензивна нега, може да се донесат само врз основа на возраста, негирајќи им го на постарите лица правото на здравје и живот на еднаква основа со другите“, рече Роза Корнфелд-Мат, независен експерт на ООН за човекови права за постари лица.