Линкови за пристапност

Украинските граѓани донирале повеќе од 2.5 милијарди долари за армијата


Волонтерите велат дека во текот на овие две години, собирањето средства станало поорганизирано во Украина
Волонтерите велат дека во текот на овие две години, собирањето средства станало поорганизирано во Украина

За време на две години војна, Украинците финансиски ја поддржуваат својата армија. И покрај тешката економска ситуација во земјата, нивото на донации останува високо, а волонтерите наоѓаат нови начини за собирање средства. Лесија Бакалец јавува од Киев.  

Според податоците на Вооружените сили на Украина, Украинците донирале повеќе од две и пол милијарди долари на својата армија во рок од година и половина од целосната инвазија на Русија.

„Украинците, без оглед на нивните финансиски проблеми, сепак оставаат барем мал дел од своите ресурси да донираат за вооружените сили“, вели Тимофил Брик од Киевската економска школа.

Украинскиот граѓански патриотизам отсликан преку донации за армијата
please wait

No media source currently available

0:00 0:02:58 0:00

Нападот на Русија пред две години ги мобилизираше Украинците. И на почетокот, добротворните организации добиваа рекордни донации.

„За сите осум години од постоењето на нашиот фонд пред инвазијата, собравме нешто повеќе од 200 милиони украински гривни. За еден ден на 2 март 2022 година, на почетокот на инвазијата, добивме 340 милиони донации“, раскажува Олег Карпенко од организацијата „Вратете се живи“.

Карпенко работи со еден од најголемите добротворни фондови во Украина, кој ѝ помага на армијата.

Јас бев тој што почнав да пеам за донации иако не сум пејач
Васил Бајдак, комичар

Тој признава дека по две години војна, нивото на донации е намалено, но сепак останува високо, а волонтерите се покреативни.

„Јас бев тој што почнав да пеам за донации иако не сум пејач“, вели комичарот Васил Бајдак.

Идејата за преработка на песна од Гровер Вашингтон Џуниор, Васил Бајдак ја добил кога сакал да собере огромна сума пари.

„Потребно беше оружје против дрон. Чинеше 500 илјади гривни. Разбрав дека треба многу брзо да ги соберам овие пари, па морав да направам нешто што брзо ќе се рашири на Инстаграм и ќе споделува многу“, вели Бајдак.

Идејата ги надминала очекувањата - парите биле собрани за неколку часа. Друг пристап, пак, е да се побараат мали донации. Така функционира фондот на активистката Јарослава Кравченко.

„Не зависи од тоа колку пари имате. Но, ако донирате, на пример, 10 гривни, 25 центи, секој ден, ќе чувствувате дека ја забрзувате вашата победа“, вели Кравченко.

Преку овие мали донации, Кравченко успела да собере 10 илјади гривни дневно. Најпопуларен начин како Украинците собираат донации е преку специјална алатка во дигиталната банка – монобанк.

„Оваа тегла е како дигитална банка за штедење. Работата е во тоа што кога едно лице префрла пари на друга дебитна картичка, банкарскиот систем може да го ограничи бројот и износот на таквите трансакции. Теглата има поинаков пристап што им овозможува на сите да соберат големи суми пари без техничко мешање“, објаснува Олег Гороковски од „Монобанк“.

Волонтерите велат дека во текот на овие две години, собирањето средства станало поорганизирано во Украина. Украинците поставуваат финансиски приоритети и веруваат дека за да имаат слободна земја, треба да ја поддржат Армијата и покрај тешката економска ситуација.

XS
SM
MD
LG