Проектили истрелани од украинската морнарица во петокот погодија нафтен терминал во руското пристаниште Кавказ во Краснодарската област, соопшти украинската војска преку апликацијата за пораки Телеграм.
Војската пријавила експлозии на местото додека работела на проверка на штетата од нападот извршен со ракети Нептун од украинско производство.
Украински беспилотни летала погодија и уште едно складиште за нафта во Краснодарската област, се вели во соопштението.
„Рускиот „модерен“ и „ефективен“ систем за противвоздушна одбрана уште еднаш се покажа немоќен против нашите ракети и беспилотни системи и не успеа да ги заштити важните објекти што се користат за логистика и снабдување на руската армија“, соопшти украинската војска.
Руското Министерство за одбрана на Телеграм објави дека неговите системи за противвоздушна одбрана уништиле пет ракети и 29 беспилотни летала насочени кон Краснодар.
Паѓањето на остатоци од беспилотни летала предизвика пожар во складиште за нафта во областа Темрјук, при што беа оштетени неколку цистерни полни со гориво и повредени две лица, според локалните руски власти.
Извор: Ројтерс