Продолжителната криза во Украина ќе доминира на агендата на азиско-европскиот состанок, што започнува денеска во Милано, Италија.
Рускиот претседател Владимир Путин ќе одржи серија разговори со своите европски колеги за време на дводневниот самит, почнувајќи со германската канцеларка Ангела Меркел откако во четвртокот пристигна во Србија. Рускиот лидер ќе учествува на работниот појадок со украинскиот претседател Петро Порошенко и другите европски лидери.
Разговорите се очекува да се фокусираат на кревкиот прекин на огнот во источна Украина меѓу владините сили и проруските бунтовници, како и натамошно продолжување на доставата на руски природен гас до Украина. Москва ја прекина доставата до својот сосед во јуни околу, како што вели, преку петте милијарди долари неподмирени енергетски сметки од страна на Украина.
Спорот можно е да влијае и на доставата на руски природен гас до ЕУ за време на престојниот зимски период.