Линкови за пристапност

Градоначалниот на украинскиот град Харков се бори за живот


Генадиј Кернес се наоѓа во сериозна состојба откако бил погоден од снајперист.

Генадиј Кернес, градоначалникот на вториот по големина град во Украина, Харков, се наоѓа во сериозна состојба откако бил погоден од непознат напаѓач – снајперист, додека возел велосипед.

Кернес се спротиставуваше на прозападното движење што доведе до соборување на претседателот Виктор Јанукович од власт, но тој кажа и дека не ги поддржува проруските сепаратисти што повикуваат на независност за источна Украина.

Градските власти соопштија дека Кернес е хоспитализиран и дека во моментов се бори за живот.

Во меѓувреме, проруски вооружени лица презедоа контрола врз владини згради во Константиновка, уште еден град што го имаат запоседнато во источниот и јужниот дел на земјата. Сепаратистите претходно зазедоа владини згради во најмалку 10 други градови и бараат распишување на референдум за тоа дали овие делови треба да се отцепат од Украина и да се приклучат на Русија.
XS
SM
MD
LG