Украинските власти соопштија во понеделникот дека руските сили нападнале во текот на ноќта со беспилотни летала и крстаречка ракета кои биле насочени кон различни делови на земјата.
Воздухопловните сили на Украина соопштија дека собориле 14 нападни беспилотни летала, вклучително и 13 беспилотни летала Шахед од иранско производство, како и крстаречката ракета.
Олех Кипер, регионалниот гувернер на Одеса, рече дека остатоците од еден од уништените беспилотни летала паднале во јужниот регион, оштетувајќи пристанишен склад.
Кипер рече дека нема пријавени жртви.
Русија постојано ја гаѓаше Одеса со воздушни напади, вклучително и пристаништата долж Црното Море и реката Дунав.
Украинското Министерство за внатрешни работи на Телеграм објави дека последните руски напади биле насочени кон јужниот, источниот и централниот дел на земјата.
Некои информации за овој напис дојдоа од Ројтерс.