На прес-конференција во Анкара, Турција, иранскиот министер за надворешни работи Хосеин Амирабдолахиан и неговиот турски колега Хакан Фидан го осудија Израел за неговиот брутален воен одговор на масакрот на Хамас во Израел на 7 октомври.
Со оглед на тоа што Анкара се повеќе го предизвикува иранското влијание од Кавказ до Централна Азија, конфликтот на Блискиот Исток обезбедува ретка точка на договор во услови на зголемени билатерални тензии, велат аналитичарите.
"Турција се обидува да се поврзе со Централна Азија. Тоа не е тајна. Постои растечка тензија помеѓу Турција и Иран. Значи, некако е одложено затоа што вниманието повторно се префрли на Блискиот Исток. Но, тоа ќе го гледаме се повеќе и повеќе во годините што следат", вели Илхан Узгел, Аналитичар за меѓународни односи.
Израелците соработуваа со Азербејџанците и Азербејџан, за да направат многу работи во Иран што всушност го разбесни ИранСоли Озел, Универзитет „Кадир Хас“
Турскиот претседател Реџеп Таип Ердоган работи на зајакнување на односите со Туркменистан и Казахстан додека ги поправа врските со Саудиска Арабија - ривал од Техеран. Сите потези кои ќе ги поттикнат иранските стравови дека ќе бидат опколени од Турција. Но, продлабочувањето на воените врски на Турција со Азербејџан - кој има блиски односи со Израел - е тоа што предизвикува најголема загриженост, предупредуваат некои аналитичари.
"Израелците соработуваа со Азербејџанците и Азербејџан, за да направат многу работи во Иран што всушност го разбесни Иран", смета Соли Озел од Универзитетот „Кадир Хас“.
Во септември, со воена поддршка од Турција, Азербејџан ги протера етничките Ерменци од спорната енклава Нагорно-Карабах. Техеран силно ја поддржува Ерменија. Пред азербејџанскиот напад, турскиот министер за надворешни работи Фидан го предупреди Иран да остане настрана од каков било конфликт.
Некои набљудувачи предупредуваат дека победата на претседателот на Азербејџан Илхам Алиев ги поттикнува иранските стравови за сопственото азербејџанско малцинство.
"Алиев денес се појавува како херој затоа што Азербејџаните еднаш ги добија војните и слично. И мислам дека сум сигурен дека Иранците се загрижени дека привлечноста на она што азербејџанските националисти го нарекуваат северен Азербејџан може да се зголемува за нивното население, за кое веројатно се зголемува несреќата да живеат под нивната исламска република", смета Соли Озел.
За време на минатогодишните национални протести во Иран, Алиев во телевизиско обраќање вети дека ќе ги заштити Азербејџанците и во Азербејџан и во Иран. И Азербејџан и Иран одржаа неодамнешни воени вежби во близина на нивната граница. Анкара пред две години потпиша сојуз со Баку со кој се обврза да го брани Азербејџан во случај на војна.
Со оглед на тоа што Кавказот останува напнат, а Ердоган во петокот се сретна со централноазиските водачи во Казахстан, набљудувачите предвидуваат дека билатералните тензии најверојатно ќе ескалираат додека Иран и Турција се натпреваруваат за влијание.