Линкови за пристапност

Неизвесност во судската битка за извршната наредба за имиграцијата


Владата на САД се залага да ја укине привремената наредба издадена од судијата Џејмс Робарт од сојузната држава Вашингтон со која се блокира директивата на претседателот Трамп.

Федералните апелациони судови денеска треба да ги слушнат аргументите за извршната наредба на претседателот Доналд Трамп со која привремено се забрани влез на бегалци и други лица од седум земји со главно муслиманско население.

Владата на САД се залага да ја укине привремената наредба издадена од судијата Џејмс Робарт од сојузната држава Вашингтон со која се блокира директивата на Трамп.

Портпаролот на Белата куќа Шон Спајсер изјави дека администрацијата е сигурна дека ќе го добие случајот.

Во меѓувреме, пограничната служба почна да дозволува влез на патници со валидни визи, согласно одлуката на судијата Робарт.

Претседателот Трамп преку Твитер ја осуди одлуката, велејќи дека „САД се ставени во голема опасност“ и дека доколку се случи терористички напад, треба да се обвини овој судија.

XS
SM
MD
LG