Претседателот на САД Доналд Трамп денес ги повика во Белата куќа демократските и републиканските лидери на брифинг за гранична безбедност. Денес е 12-ти ден од затворањето на Владата.
Лидерот на сенатското мнозинство Мич Меконел се очекува да присуствува на состанокот, но засега не е јасно дали демократските лидери ќе присуствуваат, како и дали ќе преговараат за отворање на Владата.
Демократите од утре ќе преземат контрола врз Претставничкиот дом, кога новата спикерка Ненси Пелоси планира да свика гласање за закони кои обезбедуваат финансирање на повеќето агенции.
Предложената легислатива не ги вклучува петте милијарди долари, кои Трамп ги бара за изградба на ѕидот на границата со Мексико.
Наместо тоа, демократите понудија 1.3 милијарди долари за други безбедносни гранични мерки.
Портпаролката на Белата куќа Сара Хакаби Сандерс рече дека планот на демократите не опфаќа гранична безбедност, и оти ги става потребите на другите држави пред сопствените граѓани.
Facebook Forum