Линкови за пристапност

Двајцата претседатели по телефон разговарале за борбата со Исламската држава и постигнувањето на мир во Сирија

Претседателот на САД, Доналд Трамп и рускиот претседател Владимир Путин во саботата имале долг телефонски разговор, а портпаролите од двете престолнини велат дека тие се согласиле да соработуваат во борбата против Исламската држава и постигнување на мир во Сирија и светот.

Двајцата претседатели зборуваа лично за прв пат по инаугурацијата на Трамп на 20 јануари. Од Белата куќа велат дека едночасовниот разговор бил „позитивен“ и дека е „значаен почеток за подобрување на односите“ меѓу Вашингтон и Москва, кои во последниве месеци дополнително се заладија.

Американски официјални лица велат дека се надеваат дека разговорот на Трамп и Путин ќе помогне за подобрување на односите меѓу САД и Русија кои „имаат потреба од поправка." Од ниту една страна не беа споменати наметнатите санкции за Русија или нивно можно симнување - нешто за што шпекулираа аналитичарите пред да се одржи разговорот.

Вестите кои доаѓаат од Кремљ непосредно ја повторија пораката на Белата куќа.

XS
SM
MD
LG