По синоќешниот експлозивен ден сведочења во постапката за импичмент на претседателот Трамп во Претставничкиот дом, законодавците денеска ќе вкрстат прашања кон Фиона Хил, поранешна експертка за Русија од Советот за национална безбедност, која на истражителите им кажа дека смената на поранешниот амбасадор на САД во Украина е резултат од кампањата на личниот адвокат на претседателот Трамп.
Денеска сведочи и Дејвид Холмс, дипломат од кариера, кој служеше како политички советник во американската амбасада во Киев, и кој на распитот зад затворени врати изјави дека го слушнал телефонскиот разговор на претседателот Трамп кој побарал од американскиот амбасадор во ЕУ Гордон Сондланд да го праша украинскиот претседател Зеленски дали ќе отвори истрага против поранешниот потпретседателот Бајден.
Трамп ги негира обвинувањата дека задржал речиси 400 милиони долари армиска помош за Украина, се додека Киев не вети дека ќе спроведе истрага против Бајден, еден од водечките политички ривали за изборите 2020.
Facebook Forum