Директорот на ЦИА, Џон Бренан ги отфрли сугестиите на новоизбраниот претседател Доналд Трамп дека тој е лицето кое стои зад давањето на непотврдените извештаи на новинарите во кои имаше обвинение дека претседателската кампања на Трамп имала контакт со руски оперативци.
Бренан беше цитиран во напис во „Вол Стрит Џурнал“ велејќи дека „тој немал интерес“ во ставањето на поголемо внимание на документот и дека разузнавачките претставници го брифирале Трамп, за она за кое тие веруваат дека тој би требало да биде информиран.
Трамп во последниве неколку недели ја критикуваше разузнавачката заедница, а на неколку наврати и самиот Бренан.
„Разузнавачките агенции не би требало да дозволат овие лажни вести да „протечат“ во јавноста. Уште еден напад врз мене. Дали ние живееме во нацистичка Германија?
Напиша Трамп на Твитер минатата недела.
Бренан за „Вол Стрит Џурнал“ кажа дека од претседателите се очекува да ја предизвикуваат разузнавачката заедница, но исклучок се обвиненијата за нечесност или немањето на интегритет.
„Кажете им на семејствата на оние 117 загинати офицери, кои засекогаш се запишани на ѕидот на честа дека нивните најблиски кои ги дале своите животи се споредувани со нацистите,“ кажа Бренан.
Бренан во интервју во неделата кажа дека на Трамп му недостасува пошироко знаење за заканата која Русија ја претставува за светот и ја нападна неговата страна за „зборување и пишување на Твитер“ велејќи дека тоа не е во американски интерес.