Претседателската дебата в четврток во Нешвил, Тенеси, ќе биде поделена во сегменти од по 15 минути за различни теми, за време на кои, секој кандидат ќе има две минути да зборува.
Комисијата за дебати воведе нови правила за подобро одвивање на дебатите, и најави дека за време на двете минути кога еден кандидат ќе зборува, ќе биде исклучен микрофонот на другиот кандидат.
„Двете кампањи се согласија на двеминутното правило на непрекинувње“, се вели во соопштението од Комисијата.
Оттаму додаваат дека ниту еден кандидат можеби не е целосно задоволен од правилата, но, верува дека тие ќе обезбедат вистински баланс, и оти се во интерес на американските граѓани.
Првата претседателска дебата беше во септември, и требаше да има уште една овој месец.
Но, откако Трамп се зарази со ковид-19, Комисијата за претседателски дебати одлучи втората дебата да биде виртуелна, нешто што претседателот Трамп го одби.
Facebook Forum