Американскиот претседател Доналд Трамп вчера потпиша извршна наредба со цел да им се забрани на трансродовите спортисти да учествуваат во женски спортови.
Наредбата им дава на федералните агенции широка слобода да обезбедат субјектите што добиваат федерално финансирање да се придржуваат во согласност со ставот на администрацијата на Трамп, чиј став е дека полот е одреден при раѓање.
„Со оваа извршна наредба, војната против женскиот спорт е завршена“, рече Трамп на церемонијата на потпишување во Белата куќа, во која беа вклучени законодавци и спортистки кои излегоа во поддршка на забраната.
Портпаролката на Белата куќа Каролин Левит, рече дека наредбата ќе бара „итни мерки, вклучително и извршни дејства против училиштата и спортските здруженија“ кои се против оваа одлука.
Застапниците за правата на трансродовите лица го осудуваат потегот.
„Спротивно на она што претседателот сака да верувате, трансстудентите не претставуваат закана за спортот, училиштата или оваа земја, и тие ги заслужуваат истите можности како нивните врсници да учат, играат и растат во безбедни средини“, рече Фатима Гос Грејвс, претседател и извршен директор на Националниот женски правен центар.
