Одделот за правда на САД поднесе тужба во обид да го спречи преземањето на „Тајм Ворнер“ (Time Warner) од страна на телекомуникацискиот гигант AT&T, нарекувајќи го потегот нелегален и споредувајќи го со изнуда.
Во соопштението од Одделот за правда се вели дека со преземањето вредно 108 милијарди долари значително ќе се намали конкуренцијата, а тоа ќе резултира со повисоки цени и помалку иновации за милиони Американци.
Под „Тајм Ворнер“ се CNN, HBO, TNT, Cartoon Network и Cinemax - мрежи пренесуваат популарни вести, филмови, комедии, телевизиски серии и спорт.
Претседателот на САД, Доналд Трамп не го крие неговиот презир кон едно од најголемите достигнувања на „Тајм Ворнер“ - CNN, поради неговата перцепција дека телевизијата спроведува директни напади против неговата администрација.
Трамп за време на минатогодишната претседателска кампања се заложи за блокирање на преземањето.
Facebook Forum