Линкови за пристапност

Пред да замине за Доха, тој се сретна со министерот за надворешни работи на Кувајт

Американскиот државен секретар, Рекс Тилерсон, се врати во Доха за да се сретне со емирот на Катар, шеикот Бин Хамад Ал Тани, во најнов дипломатски обид чија цел е разрешување на конфликтот меѓу Катар и групата арапски земји-Саудиска Арабија, Обединетите Арапски Емирати, Бахреин и Египет.

Пред да замине во Доха, Тилерсон се сретна со министерот за надворешни работи на Кувајт, шеикот Сабах Ал Калид-ал-Сабах на разговори за кризата во Персискиот Залив.

Кувајт има улога на посредник во изнаоѓање на излез од ќор-сокакот откако Саудиска Арабија, Обединетите Арапски Емирати, Египет и Бахреин ги прекинаа дипломатските врски со Катар.

Групата предводена од Саудиска Арабија го обвини Катар за поддршката на тероризмот и по прекинувањето на дипломатските врски со Доха доставија листа со 13 барања.

Катар соопшти дека е подготвен да преговара, но нема да се откаже од својот суверенитет.

Тилерсон не разговараше со новинарите пред состанокот со министрите на коалицијата предводена од Саудиска Арабија во Џеда.

Facebook Forum

XS
SM
MD
LG