Клинтон во среда кажа дека посетата на плоштадот била „голем потсетник на моќта на човечкиот дух и желбата за слобода и човекови права и демократија“.
Таа беше поздравена од египетските граѓани и се ракуваше со многумина на плоштадот пред да се сретне со египетскиот премиер Есам Шараф.
Клинтон е на дводневна посета на Египет чија цел е да ја охрабри транзиционата влада на земјата да се придвижи напред со реформите. Таа исто така треба да се сретне со про-демократски активисти.
Вчера на Египќаните Клинтон им кажа дека „моментот во историјата“ им припаѓа ним. Таа зборуваше на заедничка прес-конференција со министерот за надворешни работи во Каиро, Набил Елараби, при што повтори дека САД се подготвени да ги поддржат Египќаните во „потрагата по сонот на демократија“.