Русија соопшти дека руските и сириски сили ги прекинале бомбашките напади врз Алепо воочи осумчасовната хуманитарна пауза планирана за во четврток.
Целта на паузата, која Москва првично ја најави во понеделникот, е да им се овозможи на цивилите да го напуштат градот, заедно со болните, ранетите или бунтовниците кои сакаат да заминат од него.
ОН ја поздравија одлуката, а тие претходно побараа да се воведат дводневни хуманитарни паузи во борбите, еднаш неделно.
Во најновите напади од понеделникот во северниот дел на Алепо загинаа најмалку 23 лица.
САД и одредени европски држави ги обвинуваат Русија и Сирија за воени злосторства во Алепо, но руските претставници го порекнуваат тврдењето.