Британија денес планира да предложи резолуција во ОН што бара „неопходни мерки за заштита на цивилите“ во Сирија од хемиско оружје.
Предлогот доаѓа среде интензивна дипломатска активност на САД и западните сили, кои истовремено решаваат како да започнат евентуална армиска акција против сирискиот претседател Башар ал-Асад.
Во близината на Дамаск, пак, екипа на ОН изврши инспекција на местото каде минатата недела се случи напад, наводно со хемиско оружје, а во кој загинаа стотици лица. Ова е втора инспекција неделава.
Русија, која е сојузник на Асад, смета дека резолуцијата што ја предлага Британија е преуранета. Новинската агенција Интерфакс јави дека заменик-министерот за надворешни работи Владимир Титов ја повикал Британија да почека инспекторите на ОН да ги претстават своите наоди.
Генералниот секретар на ОН Бан Ки-мун го повика Советот за безбедност да се обедини во врска со ситуацијата во Сирија. Во денешниот говор во Хаг тој кажа дека на екипата на ОН во Сирија и` треба време да ја заврши работата.
Американски официјални лица наведуваат дека нема сомневање дека сириските сили употребиле хемиско оружје, како и дека претседателот Обама во рок од неколку дена би можел да одлучи каква ќе биде американската реакција.
Сирискиот министер за надворешни работи Валид ал-Муалемy негира дека неговата земја употребила отровен гас и ги повика САД и европските сојузници да дадат докази.
Предлогот доаѓа среде интензивна дипломатска активност на САД и западните сили, кои истовремено решаваат како да започнат евентуална армиска акција против сирискиот претседател Башар ал-Асад.
Во близината на Дамаск, пак, екипа на ОН изврши инспекција на местото каде минатата недела се случи напад, наводно со хемиско оружје, а во кој загинаа стотици лица. Ова е втора инспекција неделава.
Русија, која е сојузник на Асад, смета дека резолуцијата што ја предлага Британија е преуранета. Новинската агенција Интерфакс јави дека заменик-министерот за надворешни работи Владимир Титов ја повикал Британија да почека инспекторите на ОН да ги претстават своите наоди.
Генералниот секретар на ОН Бан Ки-мун го повика Советот за безбедност да се обедини во врска со ситуацијата во Сирија. Во денешниот говор во Хаг тој кажа дека на екипата на ОН во Сирија и` треба време да ја заврши работата.
Американски официјални лица наведуваат дека нема сомневање дека сириските сили употребиле хемиско оружје, како и дека претседателот Обама во рок од неколку дена би можел да одлучи каква ќе биде американската реакција.
Сирискиот министер за надворешни работи Валид ал-Муалемy негира дека неговата земја употребила отровен гас и ги повика САД и европските сојузници да дадат докази.
