Линкови за пристапност

Сирија го прифати мировниот план на Анан


Меѓународниот мировен пратеник Кофи Анан вели дека Сирија го прифатила неговиот план за прекин на насилството во државата.

Портпаролот на Анан кажа дека сирискиот одговор од вторникот дошол во писмо до пратеникот на ОН и Арапската лига.

Анан се сретнал со кинески претставници во вторник во Пекинг, вклучително и со премиерот Вен Џиабао, во време кога Кина вети поддршка на неговите посреднички напори.

Планот ги повикува сириските владини сили и бунтовниците да се согласат на примирје и да се ангажираат во дијалог. Нацртот, одобрен од Советот за безбедност на ОН, не ги вклучува западните или арапските барања претседателот Башар ал-Асад да даде оставка – барање на кое Русија и Кина се спротивставуваат.

Американскиот Заменик советник за национална безбедност, Бен Роудс, во вторник кажа дека постои основна стуктура за да се разговара со Русија и Кина што можат тие да сторат да го поддржат Анан.

XS
SM
MD
LG