Врховниот суд на САД одлучи: Без налог, нема следење на мобилни телефони

Врховниот суд на САД донесе одлука дека откривање на одредени локации преку следење на мобилен телефон, нема да може да се врши без да има налог за тоа.

Со 5 наспроти 4 гласа, Судот смета дека на владините агенции ќе им биде потребна дозвола, со цел да добијат податоци од телефонските оператори за движењето и локацијата на нивните корисници.

Проблемот во овој случај беше дали на властите им е потребен налог за да ги добијат овие информации.

Четвртиот амандман од Уставот на САД забранува „неосновани претреси и конфискации“.

„Четвртиот амандман ги штити не само правото на приватност, туку и одредени очекувања од приватноста“, вели Судот.