Линкови за пристапност

Стотици евра повисока априлска плата ќе легне на сметките на функционерите


Уставен суд го отклучи механизмот, Владата не понуди решение за ревидирање на покачувањето на функционерските плати. Покрај државниот врв, министрите, пратениците, судиите и обвинителките ќе се офајдат и градоначалниците и директорите и нивните заменици со 78 отсто повисока плата. Неизбраните и неименувани вработени во јавниот сектор остануваат со плитки џебови и продолжуваат со протести




СКОПЈЕ - Функционерите во исчекување на априлските плати повисоки за стотици евра кои неделава треба да им легнат на сметките. Реагираше јавноста но и експертите, синдикатите, претседателот Пендаровски па дури и Светска банка но намалување на коефициентите за пресметка на платите или системско решение нема. Владата најави законски измени како системско решение но тоа е долг процес а најчест одговор на оваа тема беше дека одлука на Уставниот суд мора да се почитува.

Уставниот суд на 23 март укина два члена члена од Законот за плата и надоместоци на функционерите со што го отвори патот за зголемувањето на платите од 78 отсто. Како илустрација за само 8 дена од месец март, колку што беше на сила одлуката на Уставниот суд пратениците добија повисоки плати за 16 илјади денари.

За пресметка на платите на избрабните и именувани функционери се зема просечната бтуро плата за минатата 2022 година која е во висина од 47.637 денари и се множи со коефициентите кои се јасно наведени во Законот за плата и надоместоци на функционерите.

Највисоки плати секако имаат претседателот на државата, престедателот на Владата и претседателот на Собранието кои имаат коефициент 4,5 и платата ќе се движи околу 140 илјади денари без вклучените надоместоци за изминат стаж.

Втор најголем коеифицент – 4 имаат претседател на Уставен суд, потпретседател на Собрание и потпретседател на Влада и нивната плата ќе се движи околу 125 илјади денари.

Новата министерска плата или платата на претседател на Врховен суд или на државниот Јавен обвинител чиј коефициент е 3,7 ќе биде околу 1.859 евра.

Народните избраници во Парламентот имаат коефициент за пресметка од 3,5 и нивните месечни примања ќе изнесуваат 1.750 евра, без патни трошци и надоместоци за учество во комисии и собраниски тела.

Во просек 3,4 е коeфициентот за пресметка на замениците министри, судија на Врховниот суд на Македонија, претседател на Апелациониот суд и виш Јавен обвинител а во денари тоа изнесува речиси 106 илјади денари

Градоначалниците имаат различен коефицeнт кој зависи од бројот на жиели во општината и се движи од 2,7 до 3,7 за градоначалникот на Скопје и новите плати ќе се движат во рангот од 84 илјади денари до 115 илјади денари колку што според пресметките треба да изнесува платата на градоначалничата Арсовска.

Опозициската ВМРО – ДПМНЕ ќе го поддржи системскиот закон кој го најавува Владата а пратеникот Милошоски немаше одговор дали и колакава априлска плата му е исплатена.

Колку вкупно тежат покачувањата на платите нема конкретна информација од министерството за финасии ниту пак од која ставка во Буџетот се планирани.

XS
SM
MD
LG