Одлуката да не им се обноват визите на новинарите во Кина ќе ја влоши медиумската средина, предупреди Стејт департмент

Кинеските власти го стопираа обновувањето на медиумски легитимации за странските новинари кои работат за американски медиуми во Кина.

Ова е најнов потег во рамки на санкциите, кои Пекинг и Вашингтон ги воведуваат меѓусебе, а кои се поврзани со економските и дипломатски проблеми.

Новинарите, кои неодамна аплицирале за обновување на нивните легитимации на една година, добиле привремени беџови, како и нова виза која трае само два месеца.

Си-ен-ен потврди дека нејзин новинар е афектиран од оваа мерка, додека Њујорк тајмс објави дека се афектирани и новинари на Вол стрит џурнал и на компанијата Гети, која обезбедува дигитални фотографии за медиумски организации низ цел свет.

Портпаролката на Стејт департментот Морган Ортагус, објави соопштение во кое се вели дека Стејт департментот е „загрижен оти овие мерки ќе ја влошат средината за известување во Кина“.