Линкови за пристапност

Американскиот Стејт департмент го честита националниот празник на Македонија


Американскиот Стејт департмент го честита националниот празник на Македонија
Американскиот Стејт департмент го честита националниот празник на Македонија

Писменото соопштение се осврнува и на определбата на САД за промовирање на македонското членство во НАТО и во Европската унија

Во името на Претседателот Обама и народот на САД, му го честитам Денот на независноста 8 септември на народот на Македонија. Вака ја започнува изјавата државната секретарка Хилари Клинтон по повод денешниот празник на Македонија.

По овој повод, ги реафирмираме врските меѓу нашите држави и однапред се радуваме на продлабочувањето на нашето партнерство во наредните години, се вели натаму во документот издаден од американскиот Стејт департмент.

Писменото соопштение се осврнува и на определбата на САД за промовирање на македонското членство во НАТО и во Европската унија, кои „ќе продолжат да помагаат во зајакнувањето на македонските мултиетнички и демократски институции во соработка со македонските лидери и граѓанско општество“.

Клинтон му посакува на народот на Македонија безбеден и весел празник, придружувајќи се на славењето на 19-те години независност.

XS
SM
MD
LG