Познатиот синџир продавници за кафе „Старбакс“, во наредниве две години ќе прекине да нуди пластични сламки во сите негови локации, повикувајќи се на опасност по животната средина за океаните.
Ова е најголема компанија за храна и пијалаци што се решава на чекорот, по интензивирањето на повиците за намалување на отпадот на глобално ниво.
Компанијата, со седиште во Сиетл, денеска соопшти дека до 2020-та година, ќе користи сламки од биоразградливи материјали како хартија и специјално дизајнирани капачиња. Старбакс веќе почна со примена на мерката во Сиетл.
Од пластичните сламки веќе се откажаа Форт Мејерс, а слични предлози се најавуваат и во други градови ширум САД, како Њујорк и Сан Франциско.
(Асошиетед прес)
Facebook Forum